आज मिती २०७३ साल फागुन ११ गते बुधबारः– हेर्नुहोस् आजको पञ्चाङ्ग र राशिफल

“ॐ नमो भगवते वासुदेवाय । सच्चिदानन्दरुपाय विश्वोत्पत्यादि हेतवे । ताप त्रय विनाशाय श्रीकृष्णाय वयम् नमः ।”



श्रीसूर्य उत्तरायण शिशिर ऋतु,सौम्यनाम संवत्सर,शाके १९३८, विक्रसम्वत २०७३ साल फाल्गुन ११ गते बुधबार, नेपाल सम्बत ११३७ सिल्लागा,सन् २०१७ फेब्रुअरी २२ तारिक कृष्णपक्ष एकादशी तिथि साँझ ७ वजेर ११ मिनेटसम्म, पूर्वषाढा नक्षत्र राती ४ वजेर २४ मिनेटसम्म, सिद्धियोग, बालवकरण, आनन्दादियोग श्रीवत्स, सूर्य कुम्भ राशीमा, चन्द्रमा धनु राशीमा ।

मेषः– कुनै पनि काम गर्दा इज्जत प्रतिष्ठाको ख्याल राखेर गर्नु होला । आफ्ना काम भन्दा बाहिरी काम बढि हुनेछन् तर काम गरेर जश कम मिल्नेछ । यात्राको योग देखिन्छ ।

वृषः– समयले साथ दिने छैन । आशक्ति पन बढ्ने छ । काम गर्दा विचार पु¥याउन सकिएन भने रित्तो हात फर्कनु पर्ला । परिवारमा समस्या आउन सक्छ । व्यापारमा गिरावट आउनेछ ।

मिथुनः– दिन सामान्य अनुकुल देखिन्छ उतार चढावका वीचमा काम बन्ने छन् । देखिने शत्रु भन्दा नदेखिएका शत्रु बढि हुनेछन्,सतर्क भई काम गर्नु होला । आम्दानी बढ्नेछ ।

कर्कटः– साझेदारी भन्दा एक्लौटि व्यवसायबाट आय आर्जन राम्रो हुनेछ । भय त्रासले छोड्ने छैन । आहार विहारमा ध्यान दिन सकिएन भने स्वास्थ्य कमजोर बन्ने छ ।

सिंहः– यात्रामा कठिनाई आउनेछ । काम गर्दा अन्योलता बढ्नेछ । व्यापार व्यवसायमा सन्तोषजनक प्रगति हुने छैन । उच्चमनोबलका साथ काममा लाग्नु होला थोरै सफलता मिल्नेछ ।

कन्याः–घरमा समस्या बढ्ने छन् । अनावस्यक खर्च बढ्नेछ । गरेका काम विवादित हुने छन् । आफुमा भएको उर्जाको सदुपयोग गर्न सकिने छैन । व्यापारमा गिरावट आउने छ ।

तुलाः– काम गरेर दाम कमाउने अवसर प्राप्त हुनेछ । व्यापार व्यवसायबाट आय आर्जन राम्रो हुनेछ । साथि भाई इष्टमित्रबाट सहयोग प्राप्त होला । भ्रमलाई चिरेर काम गर्नु होला ।

वृश्चिकः– ऋण लगानी नगर्नु होला डुब्न सक्छ । व्यापार व्यवसायबाट उचित लाभ लिन सकिने छैन । आफन्तबाट नै विश्वास घात हुन सक्छ । भाग्यले साथ दिने छैन ।

धनुः– कामलाई निरन्तरता दिनु होला ,प्रयत्न गरे काम बन्ने छन् । मनोरञ्जनात्मक काममा खर्च ज्यादा हुनेछ । अरुको भर नपर्नु होला । वित्तिय कारोवारमा सानातिना समस्या देखिने छन् ।

मकरः– पारिवारिक समस्या बढ्नेछन् । व्यर्थका काममा समय खर्च हुनेछ । व्यापार व्यवसायमा अवनति हुनेछ । स्वास्थ्यले पनि साथ दिने छैन । फजुल खर्च र झुट्टा आरोप लाग्न सक्छ ।

कुम्भः– सामान्यतया दिन अनुकुल नै देखिन्छ । गरेका काममा सफलता मिल्नेछ । आम्दानीका नयाँ क्षेत्र देखिने छन् । व्यापार व्यवसायबाट आय आर्जन सन्तोषजनक नै होला ।

मिनः– कुटनैतिक विधि अप्नाएर काम गर्नु होला । गरेका काम प्राय सफल हुने देखिन्छ । काम गरेर प्रशस्त धन कमाउने योग देखिन्छ । परिवारबाट सहयोग पाईनेछ । काम गर्न अल्छि नगर्नु होला ।