बँदेल लखेट्न गएका भीमप्रसादको बाघको आक्रमणबाट मृत्यु

चितवन, ११ फागुन - चितवनको चित्रवन नगरपालिका वार्ड नम्बर १४ मा बाघको आक्रमणबाट पदमपुर घर भएका भीमप्रसाद चापागाईको मृत्यु भएको छ। चितवनमा व्यवसायिक केरा खेती गर्दै आएका चापागाईँ बँदेलले केरा खाएर हैरान पारेको भन्दै बँदेल लखेट्दै जँगल पुग्दा बाघको आक्रमणमा परेका हुन्।

अन्दाजी ३४/३५ बर्षका चापागाईँलाई बाघले आक्रमण गरेको देखेपछि प्रहरी, स्थानीयवासी चितवन निकुञ्जको हात्तीका सहारा लिएर उद्धारमा जुटेका थिए।

तर उद्धारटोली घटनास्थल आसपास पुग्दा चापागाईको शव दुई किलोमिटर टाढाको जँगलमा फेला परेको जिल्ला प्रहरी कार्यालयमा कार्यरत प्रहरी जवान मोहन थापाले डिसीनेपाललाई बताएका छन्।