 |
तीन महिना अघिदेखि आशमान सम्पर्कविहिन हुनुहुन्थ्यो । आशमान २०७३ साउन २८ गते अक्सफोर्ड इन्टरनेशनल प्रालिबाट साउदी जानुभएको थियो । तर कामको चाप र स्वास्थ्य स्थितिमा समस्या भएको बताउने उहाँ तिहारदेखि सम्पर्क विहिन हुनभएको थियो ।
नारायणका अनुसार एक जना नेपालीले दिएको ३० रियालले अहिलेसम्म खानेकुरा खाएर बसेको पाइएको छ । उहाँको स्वास्थ्य स्थिति विग्रेको र कहिलेकाहीँ बेहोसी जस्तै भएर कुरा गर्ने हुदाँ उपचारका लागि अस्पताल लैजाने र नेपाल फर्काउने प्रक्रियामा सहयोग गर्ने नारायण बताउनुहुन्छ । आशमान भेटिएपछि परिवारमा खुसी छाएको छ । आशमान हराएपछि खोजिदिन आग्रह गर्दै विभिन्न संस्थामा पुगेका श्रीमती प्रितीमाया र दाजु सकराम अहिले उहाँ घर आउने बाटो हेरिरहनुभएको छ ।
|
No comments:
Post a Comment