 |
फास्टफुड व्यवसायमा मःम सर्वाधिक लोकप्रिय छ । स्वादिलो र भोक मेट्ने भएकाले मःम खाजाका रुपमा धेरैका लागि पहिलो रोजाइमा पर्ने गरेको छ। नेपालीले पैसा, स्वाद र सन्तुष्टिका हिसाबले पनि अन्य खाजाभन्दा मःमलाई नै प्राथमिकता दिने गरेका छन् ।
काठमाडौंका पाँच तारे होटलदेखि सडकको छेउमा ठेलागाडामा समेत मःम नै ग्राहकहरुले खाजामा धेरै रोज्ने गरेका छन् । मःम एक प्लेटको ६० रुपैयाँदेखि तीन सय रुपैयाँसम्ममा बिक्री हुन्छ।
नेपालमा दैनिक रुपमा कति मःम बिक्री हुन्छ र कति होटेल तथा रेस्टुरेन्टहरुबाट मःम बिक्री हुन्छ भन्ने आधिकारिक तथ्यांक छैन। आजको गज्जब साप्ताहिकमा खबर प्रकाशित छ। व्यवसायीको अनुमानअनुसार काठमाडौं उपत्यकामा मात्र दैनिक दुई करोड रुपैयाँको मःम बिक्री हुन्छ । जसमध्ये सबैभन्दा बढी बफ मःम कै कारोबार हुन्छ।
|
No comments:
Post a Comment